Gandeng Puskesmas Rongkop, MTsN 9 Gunungkidul nindakaken screening kasarasan siswa

Gunungkidul (MTsN 9 Gunungkidul) - Kangge mangertosi kasarasan siswa, MTsN 9 Gunungkidul nindakaken kegiyatan screening kasarasan sareng kaliyan Puskesmas Rongkop, ing dinten Senen (19/9/2022). Petugas ingkang cacahipun sanga saking Puskesmas Rongkop, mriksa kasarasan sedayaning siswa MTsN 9 Gunungkidul setunggal baka setunggal.

Kegiyatan screening dipunwiwiti saking ngempalaken dhata siswa, dipunukur inggil lan awratipun badan. Salajengipun, dipunlampahaken uji kelainan paningalipun kangge mangertosi wontenipun rabun jauh utawi rabun dekat. Perangan salajengipun inggih punika pamriksan denyut nadi, kasarasan umum lan talingan. Salajengipun, ing perangan pungkasan, pengecekan kondisi kasarasan tutuk lan waja para siswa.

Asih Indriyani minangka koordinator UKS MTsN 9 Gunungkidul ngandharaken bilih ancasipun kegiyatan screening kasarasan punika yaiku kangge mangertosi kahanan kasarasan siswa. "Kegiatan ini dilakukan untuk memeriksa status kesehatan siswa, mulai dari status gizi yang dapat diketahui dari indeks massa tubuh. Pemeriksaan kesehatan siswa meliputi kesehatan umum, mata, telinga, rambut, kuku, gigi, dan mulut," ngendikanipun.

Ing pungkasanipun, petugas kasarasan saking Puskesmas ugi ngrujuk mapinten-pinten siswa ingkang dipunpanggihaken wonten perkawis babagan kasarasanipun supados nglampahi pamriksan salajengipun dhateng Puskesmas Rongkop. Kejawi punika, petugas kasarasan ugi mawantu-wantu dhateng para siswa supados tansah njagi keresikan tutuk lan waja