MTsN 9 Gunungkidul Juwara 3 Lomba Madrasah Sehat Tingkat Provinsi

Gunungkidul (MTsN 9 Gunungkidul) - Prestasi mbungahake kasil dipungayuh dening MTsN 9 Gunungkidul. Sanadyan madrasah kasebat tebih saking kitha, warga madrasah saged mujudaken pakulinan gesang ingkang resik lan sehat ing lingkungan madrasah. Bab kasebat katitik saking dipungayuhipun juwara tiga ing Lomba Madrasah Sehat Tingkat Provinsi DIY kangge tataran MTs ing warsa 2022.

Kepala MTs N 9 Gunungkidul, Iskak Rusmadi, mboten saged nyingidake awit raos bungahipun bibar nampi bebingah arupi piala, piagam penghargaan, lan arta pembinaan ingkang dipunserahaken dening Kabag Kanwil Kemenag DIY, H. Muntholib, S.Ag., M.SI. wonten ing Kantor Wilayah Kementrian Agama DIY dinten Senen (19/9/2022). Piyambakipun ngaturaken panuwun dhateng sedaya civitas MTsN 9 GK ingkang sampun nyambut damel srempengan kangge mujudaken sekolah ingkang sehat lan yasa pakulinan kangge tumindak sehat ing lingkungan madrasah.

Iskak ngendika bilih dados juwara punika sanes ancas kang utama. "Yang lebih penting adalah pembentukan karakter siswa agar memiliki gaya hidup bersih, sehat, dan peduli lingkungan. Saya ingin para siswa tidak hanya bagus dalam akademik saja, tetapi juga berkualitas dan berkarakter," ngendikanipun.

Dipunaturaken dening Muntolib, bilih Lomba Madrasah Sehat punika dados salah satunggaling instrumen kangge ngiyataken gambaranipun madrasah wonten ing madyaning masyarakat. Madrasah sampun ngrembaka lan dipunremeni dening masyarakat. “Madrasah bukan lagi dipandang sebelah mata, namun mulai menjadi destinasi utama pendidikan,” ngendikanipun.

Sedaya warga MTsN 9 Gunungkidul nampi asiling lomba punika kanthi bingah. Nurudin Hidayat, minangka Ketua tim madrasah sehat ngandharaken bilih tekad MTsN 9 Gunungkidul bakal tansah mbudidaya anggenipun njagi sanitasi, karesikan lingkungan, Unit Kesehatan Sekolah (UKS), saha nindakaken program pakulinan ingkang saged nyengkuyung madrasah sehat